IPC कलम 457 मराठी मध्ये माहिती - फौजदारीपात्र (आपराधिक) न्यासभंगाविषयी, विश्वासघाताविषयी : कलम ४०५ : फौजदारीपात्र (आपराधिक) न्यासभंग : - (IPC Section 457 in Marathi)
IPC कलमाचे वर्णन 457
भारतीय दंड संहितेच्या कलम 457 नुसार, , अपराधाचे वर्गीकरण :
शिक्षा :७ वर्षाचा कारावास व द्रव्यदंड.
दखलपात्र / अदखलपात्र :अदखलपात्र.
जामीनपात्र / अजामीनपात्र :जामीनपात्र.
कोणत्या नायालयात विचारणीय :प्रथम वर्ग दंडाधिकारी.
-----------------
जो कोणी कोणत्याही प्रकारे स्वत:कडे मालमत्ता किंवा तिच्यावरील कसलीही हुकुमत विश्वासाने सोपवण्यात आलेली असताना, त्या मालमत्तेचा अपहार करतो, अथवा आपल्या उपयोगासाठी ती स्वत:ची म्हणून वापरतो, अथवा असा न्यास कोणत्या पध्दतीने पार पाडावा ते विहित करणारा कोणताही विधिनिदेश अगर असा न्यास पार पाडण्याच्या संबंधात त्याने स्वत: केलेली कोणतीही स्पष्ट किंवा उपलक्षित वैध संविदा यांचा भंग करून अप्रामाणिकपणे त्या मालमत्तेचा वापर करतो, किंवा तिची वासलात लावतो, किंवा बुध्दिपुरस्सर अन्य कोणत्याही व्यक्तीला तसे करू देतो तो फौजदारीपात्र (आपराधिक) न्यायभंग करतो.
स्पष्टीकरण १ : जी व्यक्ती स्वत: एखादा नियोक्ता (नियोजक) असून, त्या त्या वेळी अमलात असलेल्या कोणत्याही कायद्याद्वारे स्थापन करण्यात आलेल्या भविष्यनिधीमध्ये किंवा कुटुंब वेतन निधीमध्ये जमा करण्यासाठी, कर्मचाऱ्याला प्रदेय असलेल्या वेतनामधुन कर्मचाऱ्याचे अंशदान कापून घेते त्या व्यक्तीकडे, तिने अशा रीतीने कापून घेतलेली अंशदानाची रक्कम विश्वासाने सोपवण्यात आलेली असल्याचे मानण्यात येईल आणि उक्त अधिनियमाचा भंग करुन, तिने उक्त निधीमध्ये अशा अंशदानाचा भरणा करण्यात कसूर केली, तर पूर्वोक्ताप्रमाणे वापर केला असल्याचे मानण्यात येईल. असा नियोक्ता ते कार्यालय जरी कर्मचारी भविष्यनिर्वाह निधी आणि संकीर्ण तरतुदी अधिनियम, १९५२ (१९५२ चा १९) चे कलम १७ प्रमाणे सूट दिले असले तरी चालेल.
स्पष्टीकरण २ : जी व्यक्ति स्वत: एखादा नियोक्ता असून, कर्मचारी राज्य विमा अधिनियम १९४८ (१९४८ चा ३४) याखाली स्थापन करण्यात आलेला जो कर्मचारी राज्य विमा निधी कर्मचारी राज्य विमा महामंडळाने धारण केलेला असतो व त्यांच्याकडून ज्याचा कारभार पाहिला जातो त्या निधीमध्ये जमा करण्यासाठी, कर्मचाऱ्याला प्रदेय असलेल्या वेतनामधून कर्मचाऱ्याचे अंशदान कापून घेते त्या व्यक्तिकडे, तिने अशा रीतीने कापून घेतलेली अंशदानाची रक्कम विश्वासाने सोपवण्यात आलेली असल्याचे मानण्यात येईल आणि उक्त अधिनियमाचा भंग करुन तिने उक्त निधीमध्ये अशा अंशदानाचा भरणा करण्यात कसूर केली तर, पूर्वोक्ताप्रमाणे विधिनिदेशाचा भंग करुन उक्त अंशदानाच्या रकमेचा तिने अप्रामाणिकपणे वापर केला असल्याचे मानण्यात येईल.