IPC कलम 321 मराठी मध्ये माहिती - कलम २९२ : अश्लील पुस्तकांची इत्यादींची विक्री वगैरे : - (IPC Section 321 in Marathi)

IPC कलमाचे वर्णन 321

भारतीय दंड संहितेच्या कलम 321 नुसार, , अपराधाचे वर्गीकरण :
शिक्षा :पहिल्या दोषसिद्धीअन्ती दोन वर्षाचा कारावास, व २००० रुपये द्रव्यदंड, आणि दुसरी किंवा त्यानंतर दोषसिद्धी झाल्यास पाच वर्षांचा कारावास व ५००० रुपये द्रव्यदंड
दखलपात्र / अदखलपात्र :दखलपात्र.
जामीनपात्र / अजामीनपात्र :जामीनपात्र.
कोणत्या नायालयात विचारणीय :कोणताही दंडाधिकारी.
--------------------
१)पोटकलम (२)च्या कारणाकरिता जर एखादे पुस्तक, पत्रक, कागद, लिखाण, रेखन, रंगचित्र, प्रतिरूपण, आकृती किंवा अन्य कोणतीही वस्तू कामुक असेल, अथवा विषयलोलुपतेला आवाहन करत असेल, अगर सर्व संबध्द परिस्थिती पाहता, ज्या व्यक्ती त्यात समाविष्ट असलेले किंवा साकारलेले साहित्य वाचण्याचा, पाहण्याचा, किंवा ऐकण्याचा संभव आहे - त्यांना नीतिभ्रष्ट करण्यास किंवा बिघडवण्यास पुरेसे आहे; तसेच त्याला एकत्रित परिणाम (ज्यामध्ये दोन किंवा अधिक बाबींचा समावेश असेल तर ) , किंवा कोणत्याही बाबीचा परिणाम नीतिभ्रष्ट किंवा बिघडवण्यास होत असेल, तर ते अश्लील अगर बीभत्स मानले जाईल.
२)जो कोणी -
अ)कोणतेही अश्लील पुस्तक, पत्रक, कागद, लिखाण, रेखन, रंगचित्र, प्रतिरूपण किंवा आकृती किंवा अन्य कोणतीही अश्लील वस्तू विकेल, भाडयाने देईल, वितरीत करील, जाहीरपणे प्रदर्शित करील किंवा कोणत्याही रीतीने प्रसृत करील, अगर विक्री, करील, अगर आपल्या कब्जात बाळगील-,किंवा
ब) कोणतीही अश्लील वस्तू वरील नमूद कारणांकरीता आयात करील, निर्यात करील, किंवा तिची ने-आण करील आणि त्यामागे त्याला जाणीव असते अगर समजण्यास कारण असते की, अशी वस्तू विकली जाईल, भाड्याने दिली जाईल, वितरीत केली जाईल, किंवा जाहीरपणे प्रर्दर्शित केली जाईल,किंवा
क) कोणतीही अश्लील वस्तू वरील नमूद कारणांकरिता असून, त्या धंद्यात, व्यवसायात भाग घेईल, अगर त्यामधून नफा मिळवील आणि त्यामागे त्याला जाणीव असते, अगर समजण्यास कारण असते की, अशा वस्तू त्याकरिता बनवल्या जातात, तयार केल्या जातात, खरेदी केल्या जातात, ठेवल्या जातात, आयात केल्या जातात, निर्यात केल्या जातात, किंवा त्याची ने-आण केली जाते,किंवा
ड) या कलमाखाली अपराध असलेली कोणतीही कृती करण्यामध्ये एखादी व्यक्ती गुंतलेली आहे, किंवा गुंतण्यास तयार आहे; तसेच अशी कोणतीही अश्लील वस्तू एखाद्या व्यक्तीकडून अगर तिच्यामार्फत निर्माण करता येते अशी जाहिरात करील, किंवा कोणत्याही साधनाद्वारे जाहीर करील,किंवा
इ) या कलमाखाली अपराध असलेली कोणतीही कृती करण्याची तयारी दर्शवील, किंवा करण्याचा प्रयत्न करील, त्याला पहिला अपराध शाबीत झाल्यास दोन वर्षेपर्यंत असू शकेल इतक्या मुदतीची कोणत्याही एक प्रकारची कारावासाची शिक्षा, किंवा दोन हजार रुपयांपावेतो दंडाची आणि जर दुसऱ्यांदा किंवा नंतर शिक्षा झाल्यास पाच वर्षेपर्यंत असू शकेल इतक्या वर्णनाची कोणत्याही एका प्रकारच्या कारावासाची शिक्षा, किंवा पाच हचार रुपये दंडापर्यंच शिक्षा होईल.
अपवाद :
अ) जे कोणतेही पुस्तक, पत्रक, लिखाण, कागद, रेखन, रंगचित्र, प्रतिरुपण किंवा आकृती-
१) शास्त्र-वाड्मय,कला, विद्या किंवा सर्वसाधारण स्वारस्याचे अन्य विषय यांना उपकारक आहे यामुळे त्यांचे प्रकाशन लोकहितार्थ म्हणून समर्थनीय आहे, असे शाबीत केले जाते.
२)धार्मिक प्रयोजनाकरिता सद्भावपूर्वक ठेवली जाते ती किंवा वापरली जाते ती वस्तू
ब)प्राचीन स्मारके आणि पुरातत्त्वतीय स्थळे
१)प्राचीन स्मारके आणि पुरातत्त्वतीय स्थळे व अवशेष कायदा सन १९५८ चा क्रमांक २४ यातील अर्थानुसार जे कोणतेही प्राचीन स्मारक असेल,किंवा
२)कोणतेही मंदिर किंवा मूर्तींची ने-आण करण्यासाठी वापरली जाणारी अगर कोणत्याही धार्मिक कारणांसाठी ठेवलेली किंवा वापरली जाणारी कोणतीही गाडी यारील किंवा यामधील शिल्पात,कोरीव, किंवा रंगचित्रीत किंवा प्रतिरुपित असे कोणतेही प्रतिरुपण यास हे कलम लागू होत नाही.