IPC कलम 238 मराठी मध्ये माहिती - कलम २१६ : हवालतीमधून पळालेल्या किंवा ज्याच्या अटकेचा आदेश देण्यात आला आहे अशा अपराध्यास आसरा देणे: - (IPC Section 238 in Marathi)

IPC कलमाचे वर्णन 238

भारतीय दंड संहितेच्या कलम 238 नुसार, , अपराधाचे वर्गीकरण :
शिक्षा :७ वर्षांचा कारावास व द्रव्यदंड .
दखलपात्र / अदखलपात्र :दखलपात्र.
जामीनपात्र / अजामीनपात्र :जामीनपात्र
कोणत्या नायालयात विचारणीय :प्रथम वर्ग दंडाधिकारी.
------------------
शिक्षा :३ वर्षाचा कारावास, द्रव्यदंडासह किंवा त्याविना .
दखलपात्र / अदखलपात्र :दखलपात्र.
जामीनपात्र / अजामीनपात्र :जामीनपात्र
कोणत्या नायालयात विचारणीय :प्रथम वर्ग दंडाधिकारी.
------------------
शिक्षा :अपराधासाठी उपबंधित केलेल्या कमाल मुदतीच्या एक चतुर्थांशाइतका कारावास, किंवा द्रव्यदंड किंवा दोन्ही.
दखलपात्र / अदखलपात्र :दखलपात्र.
जामीनपात्र / अजामीनपात्र :जामीनपात्र
कोणत्या नायालयात विचारणीय :प्रथम वर्ग दंडाधिकारी.
------------------
जेव्हा एखाद्या अपराधाबद्दल शिक्षा झालेली अगर त्याचा दोषारोप असलेली कोणतीही व्यक्ती त्या अपराधाबद्दल कायदेशीर हवालतीत असता तेथून पळून गेली असेल; तसेच एखाद्या लोकसेवकाने एखाद्या अपराधाबद्दल कायदेशीरपणे एखाद्या व्यक्तीस अटक करण्याचा आदेश दिला असेल तेव्हा; अशा पलायनाची अगर अटकेच्या आदेशाची माहिती असून जो कोणी ती व्यक्ती अटक होऊ नये या उद्देशाने तिला आसरा देईल किंवा लपवील त्याला पुढीलप्रमाणे शिक्षा होईल. म्हणजे- तो अपराध मृत्यूच्या शिक्षेस पात्र असेल, तर सात वर्षेपर्यंत तो असू शकेल, इतक्या मुदतीची कोणत्याही एका प्रकारच्या कारावासाची शिक्षा द्रव्यदंडासहित होईल आणि तो अपराध आजन्म कारावासाच्या किंवा दहा वर्षांच्या कारावासास पात्र असेल, तर ती वर्षेपर्यंत असू शकेल इतक्या कोणत्याही एका प्रकारच्या कारावाासाची शिक्षा द्रव्यदंडासहित किंवा त्याविना आणि तो अपराध एक वर्षापर्यंत असू शकेल पण दहा वर्षेपर्यंत नव्हे कारावासाच्या शिक्षेस पात्र असेल, तर त्या अपराधासाठी दर्शविलेल्या सर्वाधिक मुदतीच्या कारावासाच्या शिक्षेच्या एकचतुर्थांश कारावासाची शिक्षा, किंवा द्रव्यदंडाची किंवा दोन्ही शिक्षा होतील.
या कलमातील अपराध या शब्दात जी कोणतीही कृती किंवा अकृती भारताबाहेर केल्याबद्दल एखादी व्यक्ती दोषी असल्याचे अभिकथन करण्यात आले असून, ती भारतात केली असती तर, ती अपराध म्हणून शिक्षापात्र होण्यासारखी असेल, तर आणि अपराधी धरून स्वाधीन करणे कायद्याखाली अगर ती व्यक्ती त्याबद्दल भारतात अटक होण्यास किंवा हवालतीत स्थानबध्द होण्यास पात्र असेल तर, अशी कृती किंवा अकृतीदेखील त्यात समाविष्ट आहे आणि अशी प्रत्येक कृती किंवा अकृती या कलमाच्या प्रयोजनार्थ आरोपी व्यक्ती जणू काही ती भारतात केल्याबद्दल दोषी असावी त्याप्रमाणे शिक्षेस पात्र असल्याचे मानण्यात येईल.
अपवाद : या बाबतीत अटक करावयाच्या व्यक्तीचा पती अगर पत्नी यांना आसरा दिलेला असेल किंवा लपविलेले असेल, तर ही तरतूद लागू नाही.