IPC कलम 111 मराठी मध्ये माहिती - प्रकरण ५ : चिथावणी (दुष्प्रेरण) देण्याविषयी (अपप्रेरणाविषयी) : कलम १०७ : एखाद्या कृतीची चिथावणी (अपप्रेरणा) : - (IPC Section 111 in Marathi)
IPC कलमाचे वर्णन 111
भारतीय दंड संहितेच्या कलम 111 नुसार, , जेव्हा एखादी व्यक्ती-
एक : एखादी कृती करण्यास कोणत्याही व्यक्तीला चिथावणी देते तेव्हा, किंवा
दोन : ती कृती करण्याकरिता अन्य एका किंवा अधिक व्यक्तीबरोबर कोणत्याही कटात सामील होणे आणि त्या कटाला धरून ती कृती करण्यासाठी एखादी कृती अगर अवैध अकृती घडून येते तेव्हा; किंवा
तीन : ती कृती करण्याकरिता कोणत्याही कृतीद्वारे किंवा अवैध अकृतीद्वारे उद्देशपूर्वक सहाय्य करते तेव्हा,
तिने ती कृती करण्याकरिता अपप्रेरणा-चिथावणी दिली असे म्हटले जाते.
स्पष्टीकरण १- एखादी महत्त्वाची घटना प्रगट करण्यास जी व्यक्ती बांधलेली असते-असे असताना बुध्दिपुरस्सर चुकीचे मार्गदर्शन करते, अगर बुद्धिपुरस्सर लपवून इच्छापूर्वक एखादी कृती करविते किंवा घडवून आणते किंवा तसा प्रयत्न करते, तर त्यास चिथावणी दिली असे म्हटले जाते.
उदाहरण- अ या लोकसेवकास ब यास अटक करण्याकरिता न्यायालयाकडून वॉरंटाद्वारे अधिकार मिळाला आहे, तर क यास माहीत आहे की, ड हा इसम ब नाही, तरीदेखील इच्छापूर्वक अ यास चुकीचे मार्गदर्शन करतो की, ड हा ब आहे आणि त्यामूळे अ हा ड ला अटक करतो. तेथे क चिथावणी देऊन ड यास अटक करवितो.
स्पष्टीकरण २: जो कोणी एखादी कृती करण्यापूर्वी किंवा करते वेळी ती कृती करणे सोपे जावे याकरिता एखादी कृती करतो आणि त्यामुळे ती कृती करणे सोपे करतो, तर त्याने सहाय्य केले असे म्हटले जाते.